Nuummi Tarnermik timimillu suleqatigiissitsilluni katsorsaaneq
Timi Silalu-mi Nuummi tarnermik timimillu suleqatigiissitsilluni katsorsaaneq aamma eqimattakkaarluni ingerlatsinerit neqeroorutigaakka. Kalaallit Nunaat tamakkerlugu ilinniartitsinerit, saqqummiinerit workshopillu ingerlassinnaavakkattaaq. Stressimik, eqqissiviilliornermik imaluunniit timikkut sukanganermik misigisaqarpit? Oqaloqatigiinneq, aalaneq timikkullu sungiusaatit aqqutigalugit timivit, eqqarsaatitit misigissutsitillu ataqatigiinnerat misissussavarput. Ulluinnarni atorsinnaasannik periutsinik nassaassaagut. Kalaallisut qallunaatulluunniit ingerlanneqarsinnaapput.
tarnermik timimillu suleqatigiissitsilluni katsorsaasoq sunaava?
Timi misigisatsinnut qisuariartarpoq. Ulluinnarni inuunerup piumasaqaatai annertuneruleraangata, immaqa tuinni sukangalertarput, anersaartornit ikkalisarpoq imaluunniit eqqissiviilliorneq malugisarpat.
Timi silalu ataqatigiittumik suliaqarnermi qisuariarnerit taakku oqaloqatigiinnikkut, aalanikkut timillu maluginiarneratigut misissortarpagut. Timivit nalunaarutai ilisarinerulissavatit, qanorlu iliuuseqarfigisinnaanerannik assigiinngitsunik misiliillutit.
Neqeroorutit
Timi Silalup neqeroorutai meeqqanut, inuusuttunut, inersimasunut utoqqarnullu kiisalu timikkut, tarnikkut, inooqataanikkut imaluunniit malugissutsinut tunngasunik unammilligassaqartunut naleqqussarneqarsinnaapput. Suliffeqarfinnut paaqqinnittarfinnullu aamma ingerlatsinernik neqerooruteqarpunga. Imarisai inuttut ataasiakkaatut imaluunniit eqimattatut pisariaqartitat tunngavigalugit aaqqissuunneqartarput.
atuarukAtaasiakkaarluni katsorsaanermi timivit qanoq malugisarneranik, misigisarneranik timinnullu qanoq isiginninnernik sammisaqarsinnaavugut.
atuarukTimip, aalariaatsit, atugarissaarnerup inunnillu peqateqarnerup pillugit ilinniartitsisarpunga. Ilisimasaqarneq timikkut sungiusaatinut ataatsimoorlunilu eqqarsaatersornermut ataqatigiissittarpara, peqataasut ulluinnarni inuunerminni atorsinnaasaannik.
atuarukTimip, misigissutsit ulluinnarnilu inuunerup pillugit saqqummiineq, ilisarnartunik assersuutitalik apeqquteqarnissamullu periarfissalik. Suliffeqarfinnut, paaqqinnittarfinnut, peqatigiiffinnut tamanut ammasumillu aaqqissuussanut.
atuarukWorkshopini timi, aalaneq peqatigiinnerlu sungiusaatit atorlugit misissortarpagut. Peqataasut misilittakkanik ulluinnarnilu atorsinnaasaminnik periutsinik pissarsisarput.
atuarukTarnip timillu ataqatigiinnerannik imalinnik, pisariaqartitassinnullu naleqqussakkanik pikkorissaanerit. Sammisat sammisassallu sullinniakkat suliamillu ilisimasallit suleqatigisakka naapertorlugit assigiinngissuteqartarput.
atuarukUlluinnassinnik aallaaveqartumik aqutsisunut sulisunullu suliamut tunngatillugu isumasioqatigiinneq. Pisuni aalajangersimasuni qanoq pisoqartarnera misissussavarput, tarnillu timillu ataqatigiinnerannik isiginnittariaatsit atugarissaarinermut, artukkerneqarnermut peqatigiinnernullu tunngasut atorlugit.
atuarukTimi, aalaneq, sianiutit, atugarissaarneq ataatsimoornerlu qitiutillugit eqimattakkuutaarluni ingerlatsineq. Ingerlatsinerit meeqqanut, inuusuttunut, inersimasunut, utoqqarnut, suliffeqarfinnut paaqqinnittarfinnullu naleqqussarneqarsinnaapput. Timimut tunngasunik ilinniartiissuteqarsinnaavoq - kissaatigigaanni.
atuarukaaqissuusat aggersut
TIMIMUT ANGERLARNEQ vol. 1 Ulluni marlunni pikkorissarnermi timi tarnilu ataqatigiissillugit katsorsaaneq (psykomotorisk terapi) aamma naalungiarsunnut tarnikkut katsorsaaneq (spædbarnspsykoterapi) ataatsimoortinneqassapput. Timip, sianiuteqarfiup inuunermilu siusissukkut misigisimasatta qanoq misigissutsitsinnut, attaveqarnitsinnut qisuariaatsitsinnullu kingusinnerusukkut sunniuteqartarnerat sammissavarput. Ullut: 5.–6. december 2026 Nal.: 08.30–16.00 ulluni taakkunani marlunni Sumiiffik: Illorput, Sorlaat 11, Nuuk Akia: Peqataasumut ataatsimut 4.998 kr. Akianut tamulugassat imeruersaatillu ilaapput. Peqataasut namminneq ullup-qeqqasiorutissatik isumagissavaat. Illoqarfinnit allaneersut angalanertik, najugaqarfissartik angalanermullu aningaasartuutit allat namminneq isumagissavaat. Nammineq allequtimik(måtte) nassarsinnaavutit. Aamma uatsinnit atorsinnaavutit. Soqutiginnikkuit uunga attaveqarit timisilalu@gmail.com
Sarah attavigiuk periarfissarsiorlutit
Sarah naapiguk
Sarah Tittussen-Rødgaard-mik ateqarpunga. Ilinniartitsisutut ilinniarsimasuuvunga, atuarfeqarfimmi ukiuni 12-ni misilittagaqarpunga aamma aqutsisutut sulisimallunga. Maanna tarnermik timimillu suleqatigiissitsilluni katsorsaasutut ilinniarnera naammassilerpara.
Timi Silalu-mi ilinniartitsinermik, inunnik timimillu suliaqarnermik misilittakkakka ataatsimoortippakka. Suliaqarnitsinni sammisatta ulluinnarni inuuninni isumaqarnissaa pingaartippara.
Attaveqarit
Ingerlatitsineq pillugu paasisaqarnerorusukkuit imaluunniit suliffinnut tunngasumik suliassaq eqqartueqatigiissutigerusukkukku attaviginnga.